LA VERA STORIA DE LA RUA di Annette Ronchin

ANNETTE RONCHIN


TI INVITA ALLO STORICO “ GIRO DE LA RUA “ CHE SI TERRA' A VICENZA SABATO PROSSIMO 4 SETTEMBRE 2010

RITROVO ALLE ORE 19.30 IN PIAZZA DEI SIGNORI TRA LE DUE COLONNELA VERA STORIA DE LA RUA

di Annette Ronchin


LA PRIMA RUA L'E' STA REALIXA' NEL 1270 CON NA RUA DEL CAROCIO DE' I PADOANI, CHE I VIXENTINI I GHE GA' PORTA' VIA DE NOTE, DURANTE LA GUERA FRA I DO COMUNI, NON PODENDO PORTAR VIA EL SIMBOLO DE LA CIVITAS PATAVINA I GA PREFERIO PORTARSE VIA LA RUA DEL CAROCIO PADOAN, CHE DOPO L'E' DEVENTA' EL SIMBOLO DE LA CITA' DE VICENXA E DE L'ORDINE DEI NODARI.

LA RUA DE VICENXA L'E' STA RICOSTRUIA PIU' OLTE: NEL 1444 E IN TEL XVI SECOLO SU DISEGNO DE ANDREA PALLADIO E FRANCESCO MUTTONI. LA RUA L'E' STA MESA SORA NA SCALINA', LA GIRAVA CON DELE CAREGHETE PARCHE' I PUTEI I ZUGAXE, DESORA LA GAVEA EL STEMA DEL COMUN VIXENTIN LA CROXE BIANCA IN CAMPO ROSO, ANCORA DEXORA, DRENTO ON CAPITELO, L'ALEGORIA DE LA JUSTIXIA E DESORA DE TUTO EL PENACIO, A LA VERTIGINOSA ALTEXA DE 24 METRI, ON PUTEO CON LA BANDIERA A SVENTOLA, COVERTO DA NA UMBRELA . AI FIANCHI DE LA JIUSTIXIA GHE JERA I ARMIGERI A SO DIFESA VESTII ALL'EROICA, SOTO DU ZOVENI SOLDA' DE COSTA DE LA RUA E DU A CAVALO AL COMINZIO DE LA SCALA.

PAR FAR EL ZIRO DE LA RUA DE VICENXA IN TEL ZORNO DEL CORPUS DOMINI GHE JERA 80 OMINI CHE I LA PORTAVA, E TRI OMINI PAR PARTE, I TEGNEA DE LE STANGHE LONGHE PAR NON FAR PERDARE L'EQUILIBRIO A LA GIOSTRA.CON EL GIRO DE LA RUA GHE JERA EL PALIO COME A SIENA E A ASTI

LA RUA DE VICENXA LA GA AVU' NA STORIA GLORIOSA DURA' DEPI DE SETE SECOLI, LA SE GA ADATA' AI SCOSONI DE LA POLITICA DAI FRANCESI AI ASBURGO, DAI SAVOIA AL VENTENIO FASISTA, QUANDO L'E' STA ABANDONA' PAR ANI DRENTO LE GALERIE DE MONTE BERICO, PROTETA DA LA MADONA FIN QUANDO NO L'E' STA UTILIXA DAI SFOLATI PAR SCALDARSE NEI BRUTI ANI DE LA GUERA.

I VIXENTINI PAR GNENTE CONTENTI DE AVERLA PERSA, I SE GA COSTRUIO LA RUETA CHE DAL 1949 LA FAXEVA EL GIRO DEL QUARTIER DE TRASTEVERE, IN TE LA PRIMA DOMENEGA DE SETEMBRE, PARTENDO DA SAN GIULIAN, LA PERCOREA CONTRA' PORTA PADOVA FIN CONTRA' SANTA LUZIA E DOPO LA RIVAVA A SAN PIERO, PORTA' DA 8 OMINI: QUATRO SOTO LA RUETA E DU A FIANCO CON DO STANGHE PAR TEGNERLA DRITA. LA PESAVA 400 KILI E LA RIVAVA FIN A 8 METRI DE ALTEXA. LA RUETA L'E' STA PORTA' IN GIRO FIN AL 1991 COL VEXILO BIANCO E VERDE E COI RAPRESENTANTI DE LE CONTRA' DE TRASTEVERE: I FASOLARI, I BOCALOTI,..CON DE CAO EL SINDACO DE LA CITA' DE VICENXA.



ANNETTE RONCHIN SETEMBRE MMX